Көрсетілген қызметтің ақысы неге төленбей келді?
Өңірлік кәсіпкерлер палатасының Ақкөл филиалы сарапшыларының араласуы нәтижесінде компанияға 80 мың теңгеден астам қаржы қайтарылды
«Астана Технолоджи» ЖШС өкілдері өз құқықтарын қорғауды сұрап, ӨКП филиалына бас сұқты. Кәсіпорын Астана қаласындағы медициналық клиникалардың біріне картридждер толтыру, оргтехника жеткізу және қызмет көрсету сияқты бірқатар қызметтер көрсеткен.
Барлық жұмыстар келісілген мерзімде орындалған, алайда медициналық мекеме орындалған жұмыстар көлемінің құжат жүзінде расталмағанын сылтауратып, қызметтер үшін төлем жасауды кейінге қалдыра берген.
Бұл жағдай «Астана Технолоджи» ЖШС-не Палатаның жергілікті филиалына жүгіну туралы ұсыныс жасалғанға дейін үш айдан астам уақытқа созылған.
Сарапшылар барлық материалдарды қарастырып, медициналық мекемеге жазбаша өтінім жіберді, оның өкілдерімен телефон арқылы байланысқа шықты. «Аталған жағдайда қызмет ұсынушысы «Астана Технолоджи» ЖШС-мен барлық міндеттемелер дер кезінде орындалды, бұл өз кезегінде орындалған жұмыстар актісімен расталды»,– дейді ӨКП Ақкөл филиалының директоры Марат Бекмағамбетов.
Барлық құжаттардың көшірмелері тапсырыс берушіге жіберілді. Таяу күндері 84 000 теңге сомасындағы ақша өтініш иесінің шотына аударылды.
Пікір қалдыру:
Пікірлер: